PS i kërkon Prokurorisë që të marrë në pyetje kreun demokrat Basha, në lidhje me financimin e përfolur rus të partië së tij, për lobim në Administratën Trump. Në pronponcim të radhës, deputetja Blerina Gjylameti e quan deri dhe krim politik këtë lloj financimi.
“Lulëzim Basha duhet të rrëfehet një orë e më parë në Prokurori. Prokuroria, duhet ta marrë në pyetje Lulëzim Bashën. Sepse kjo histori nuk ka të bëjë thjesht dhe vetëm me mbi gjysëm milionë dollarë pastrim parash dhe financim i paligjshëm i partisë, po në radhë të parë me domosdoshmërinë për të ditur të vërtetën e ndërhyrjes apo jo nga jashtë. E cila, do të ishte një krim politik i pashoq në dëm të interesit tonë kombëtar dhe kundër ëndrrës europiane të Shqipërisë!”, tha deputetja socialiste.
Siç prej ditësh mazhoranca po e akuzon PD-në për financim rus në lobim, kjo e fundit e ka mohuar tërësisht të jetë përfshirë në të tilla financime. /tesheshi.com/
