Dy muaj para mbajtjes së samitit të NATO-s në Varshavë, shumë anëtarë të Aleancës Veriatlantike po shprehin frikën se Rusia mund të rrisë prezencën ushtarake në Detin e Zi, shkruan Financial Times.
“I kam thënë (Sekretarit të Përgjitshëm të NATO-s Jens Stoltenberg) se thuajse nuk jeni fare prezent në Detin e Zi. Deti i Zi është bërë pothuajse një liqen rus. Në rast se nuk veprojmë tani, historia nuk do të na e falë“, janë fjalët e presidentit turk Recep Tayyip Erdogan, drejtuar shefave të shtabeve të përgjithshëm të vendeve ballkanike në Stamboll, në fillim të kësaj jave, njofton Sputnik. 
Sipas vlerësimit të Komitetit ushtarak të NATO-s, Rusia është duke krijuar zona të dominimit ushtarak jashtë kufijve të saj, dhe në këtë mënyrë është duke interferuar me aftësinë e forcave të NATO-s të operojë në pragun e saj, apo madje edhe brenda kufinjve të saj.
Aleanca konsideron se gurëthemel i këtij plani rus, është pozicionimi i anijeve në Detin e Zi dhe vendosja e raketave “Kalibar“ në anije, thuhet më tutje në gazetë.
“Deti i Zi është shumë vend i ndjeshëm. Rusia po kthehet në lojën të cilën e ka luajtur gjatë Luftës së Ftohtë dhe para saj. Qëllimi i lojës është që Rusia ta konsiderojë Detin e Zi si një liqeN rus“, thotë drejtori i Qendrës ndërkombëtare për analiza Jonnathan Eyal, shkruan Sputnik.
Për momentin, kohëzgjatja e qëndrimit të anijeve të vendeve jo-regjionale të Detit të Zi është e kufizuar në kohë, në përputhje me Konventën e Montras, të nënshkruar në vitin 1936.
Në shtetet rajonale të Detit të Zi sipas Konventës bëjnë pjesë Turqia, Rumania, Bullgaria, Bashkimi Sovjetik (pas vitit 1991 Rusia, Ukraina dhe Gruzia).
Anijet ushtarake të vendeve të NATO-s hyjnë rregullisht në Detin e Zi me qëllim të trajnimeve ushtarake, thuhet në Sputnik. /tesheshi.com/
