Minuta e 24-t! Eshtë fatale kjo minutë për Portugalinë në finalen ndaj Francës. Ronaldo është detyruar ta lërë fushën i dëmtuar në gju.
Lot në sy për yllin portugez, që pas një përpjekjeje të sforcuar shtrihet edhe një herë në fushë, tashmë i dorëzuar. Nuk mund ta vijojë më lojën.
Ronaldo u dëmtua pas një përplasjeje me Payet, dhe që në çastet e para u pa se nuk do ta kishte të lehtë.
Quaresma është futur ndërkohë në vend të Ronaldo-s.
Kanë kaluar ndërkaq 30 minuta lojë, e finalja mes Francës dhe Portugalisë, e cila luhet në “Stade de France” të Parisit, është ende 0-0.
Fillimisht kanë qenë francezët që kanë ushtruar presion, dhe rastin më të mirë e ka patur Griezmann, gjuajtja me kokë e të cilit është grushtuar mjeshtërisht nga Rui Patricio.
Loja është futur aktualisht në momente të qeta, me topin që qarkullon më tepër në mesfushë. /tesheshi.com/
