Floresha Rasha dhe fëmijët e saj Amar Rasha, Emel Rasha dhe Hatixhe Rasha, janë familja e nxjerrë nga kampi Al-Hol në Siri, e bashkë me ta edhe Endri Dumani, që së bashku me motrën Eva Dumani, janë bërë simbol i sagës së fëmijëve shqiptarë në kampin famëkeq. Ate u morrën nga i ati në Siri, i cili u vra në luftime, ndërkohë që të ëmën e kanë në Shqipëri, e cila i pret prej vitesh. Por çuditërisht, Eva Dumani nuk është nxjerrë, apo nuk ka dashur të dalë që aty, kjo ende e paqartë.
Kryeministri Rama që mbërriti mbrëmjen e kësaj të hëne në Bejrut, aty ku ata janë dërguar, e ku pritet të udhëtojnë drejt Tiranës, u përgjigj shkurt për rastin e Evës.
“Eva është mirë, por janë të komplikuara informacionet”.
Duke folur për TCH, Rama tha se nxjerrja nuk ishte e nuk është një proces i lehtë.
“Pjesa më e vështirë është ajo për të nxjerrë pengjet, po ashtu është që nuk mund të flasësh, informosh, sepse konfidencialiteti është baza në këtë proces. Nuk është një ndërveprim me një faktor por me shumë. Më vjen mirë të them se ne nuk kemi qenë në gjumë, tani unë nuk mund të flasë për më shumë. Edhe për këta fëmijë deri në momentin e fundit kemi qenë më zemër të ngrirë, ka pasur dy-tre momente te vështira në këtë operacion”, theksoi i pari i qeverisë.
Me të ishte dhe ministri Lleshaj, i cili javë më parë qe vetë në Liban në kuadër të operacionit, i finalizuar këtë të hënë me nxjerrjen e 5 shqiptarëe, 4 prej tyre fëmijë.
Ndërsa detaje nga operacioni dha Konsulli i Shqipërisë në Liban, Marc Ghorayeb.
una vijoi sipas udhëzimeve të Lleshajt, është shpenzuar shumë kohë që nga riatdhesimi i Alvin Berishës së bashku me drejtorin Gledis Nano dhe Indritin (krerët e operacionit.
Nuk dua të përsëris, por dua të theksoj se ishin negociata të forta të ngjashme me kthimin e Alvin Berishës. M’u dha mua një leje e posatshme për të vazhduar këtë punë për të sjellë në shtëpi këta fëmijë.
Filluam negociatat një vit më parë dhe koronavirusi u shfaq dhe së bashku me gjeneralin Abaz Ibrahimi i cili u dha urdhër vartësve që ta shikonin këtë çështje. Fillimisht kemi shkuar në Demask, ka qenë e vështirë se kemi qenë me makina të blinduara e njerëz të armatosur sepse ka njerëz të ISIS. Ata na dhanë 25 forca të armatosura.
Oficerët e antiterrorit kanë qëndruar plot 4 javë, nuk kanë parë fëmijët e gratë e tyre, ndërsa ne kemi qëndruar në provincë për një javë. Për sa i përket fëmijëve të tjerë, do të sjellim pjesën e tjetër të mbetur të cilët nuk janë të përfshirë në krime. Të gjitha ata gra e baba të përfshirë në krime do të japin llogari përpara autoriteteve dhe më pas do të shikojmë. Vazhdojmë negociatat e ambasadës me ndihmën e gjeneralit”, tha ai për TCH. /tesheshi.com/
