Filozofi gjerman Jurgen Habermas ka refuzuar të marrë Çmimin Letrar të Emirateve të Bashkuara Arabe me pretendimin e shqetësimeve për të drejtat e njeriut në vendet e Gjirit.
Fillimisht, Habermas pranoi Çmimin Letrar Sheikh Zayed, një nga çmimet më prestigjioze dhe me fondin më të mirë në botën arabe, por pas reagimeve të mediave gjermane, ai e ndryshoi atë vendim dje.
“Kam njoftuar se do të pranoja çmimin e këtij viti Sheikh Zayed. Por ishte një vendim i gabuar që po e korrigjoj. Unë nuk isha mjaft i vetëdijshëm për lidhjen shumë të ngushtë midis institucionit që jep këtë çmim në Abu Dhabi dhe sistemit ekzistues politik atje”, tha Habermas në një deklaratë.
Habermas ishte fituesi i çmimit Personi Kulturor i Vitit, me vlerë 225,000 euro që ai duhej të merrte në 23 maj.
Pas vendimit të tij për të refuzuar, Emiratet e Bashkuara Arabe reaguan me një deklaratë ku shprehën keqardhje, por gjithashtu thanë se respektojnë pozicionin e filozofit gjerman.
“Çmimi mishëron vlerat e tolerancës, njohurive dhe krijimtarisë ndërsa ndërton ura midis kulturave dhe do të vazhdojë të përmbushë këtë mision,” tha deklarata nga Abu Dhabi. /tesheshi.com/
