Filmimet e Sky News flasin për faktin: policia maqedonase ushtron dhunë ndaj refugjatëve

Policia maqedonase ushtron dhunë ndaj refugjatëve, duke mos treguar asnjë mëshirë për njerëzit që ndërmarrin në këmbë udhëtimin përmes fushave me baltë që ndajnë Greqinë nga Maqedonia, me destinacion Serbinë dhe më tej.

Regjistrime filmike nën shirat e rrëmbyeshëm që kanë rënë në Maqedoni flasin  për policë maqedonas që ushtrojnë dhunë ndaj refugjatëve, duke mos ngurruar të përdorin edhe shkopat e gomës.

Sic raporton”Sky News”, së paku 7.000 njerëz, duke përfshirë shumë prindër që kishin me vete edhe fëmijë të vegjël, kanë kaluar në kufirin e Maqedonisë nga Greqia.

Gazetarja e Sky News Lisa Holland ka filmuar këto pamje të trishtuara, e në asnjë mënyrë nuk e justifikon policinë maqedonase e cila thotë se po bën detyrën në përpjekje për mbajtur nën kontroll situatën.

“Këto pamje janë marrë në Maqedoni. Ne e kuptojmë se kjo është një roje kufitare, e di se çfarë dhe kush janë ata, dhe ata mund të thonë se janë duke u përpjekur për të ruajtur kontrollin, por mund të shihni sesi njerëzit goditen me shkopinj gome”, raporton ajo. “Policia greke njoftoi se lëvizja e njerëzve që hyjnë në Maqedoni ishte vala më e madhe e refugjatëvedhe emigrantëve që është pare deri tani”, deklaroi Lisa Holland.

Edhe pse ishte paralajmëruar që sot do punojë linja e rregullt hekurudhore, ajo ende nuk është funksionale.

Për këtë arsye, një numër i madh  refugjatësh sot kanë udhëtuar me autobuzë në drejtim tëTabanovcës, në kufi me Serbinë. Ndërsa mbi 1 mijë refugjatë janë vendosur në kampet e përkohsme, por shumë të tjerë kanë mbetur rrugëve në përpjekje për të mbijetuar. /tesheshi.com/

Mensur Krasniqi