Aktorja Angelina Jolie vizitoi Capitol Hill dje për të ndihmuar një grup dypartiak senatorësh të prezantojnë një version të ri të Aktit të Dhunës kundër Grave në SHBA, ku ajo mezi i mbajti lotët në fjalimin e saj emocional.
Jolie mori vajzën e saj Zahara në Uashington dhe u pushtua nga emocionet gjatë një fjalimi në një konferencë shtypi.
Ajo dënoi heshtjen e Kongresit ndaj dhunës me bazë gjinore. Ajo kritikoi ashpër neglizhencën dhe mosmiratimin e projektligjit të ri për gati dhjetë vjet.
“Më së shumti dua t’u bëj homazhe fëmijëve që janë të tmerruar dhe të vuajtur për momentin, si dhe shumë njerëzve për të cilët ky ligj vjen shumë vonë”, tha aktorja me zërin që i dridhej.
“Gratë që e kanë kaluar këtë sistem me pak ose aspak mbështetje vazhdojnë të vuajnë dhimbje dhe trauma për shkak të abuzimit. Të rinjtë që i kanë mbijetuar abuzimit janë bërë më të fortë, jo për shkak të sistemit të mbrojtjes së fëmijëve, por pavarësisht nga ai”, vazhdoi aktorja.
“Si gratë dhe fëmijët që vdiqën dhe mund të ishin shpëtuar,” tha ajo.
Kujtojmë, Angelina akuzoi Brad Pitt në mars të vitit të kaluar për dhunë në familje që ndodhi gjatë martesës së saj dyvjeçare me aktorin, të cilën ai e mohoi.
Menjëherë pasi çifti paraqiti kërkesën për divorc në vitin 2016, u zbulua se FBI dhe Shërbimet Sociale në Los Anxhelos raportuan se Brad Pitt sulmoi verbalisht dhe fizikisht djalin e tij në një avion privat.
Dyshohet se Jolie ka bërë kërkesë për divorc pikërisht për shkak të konfliktit të aktorit me Maddox në një avion privat. Thuhet se Pitt kishte një debat me Angeline-n dhe djali u hodh mes tyre për të mbrojtur nënën e tij. U përfol se aktori ka goditur Maddox-in dhe se rasti është hetuar nga shërbimet sociale dhe policia. Por Pitt u shpall i pafajshëm.
Edhe pse shumë e komentuan fjalimin e Angelina-s si një përpjekje për të paraqitur një imazh të rremë të Brad-it në publik dhe për të fituar kështu kujdestarinë e plotë të fëmijëve, ajo theu paragjykimet e shumë njerëzve për dhunën me bazë gjinore në fjalimin e djeshëm.
Por ka ende nga ata që mendojnë se ky është vetëm rezultat i aktrimit të mirë dhe se ai e përdor zërin vetëm për qëllime të vetëpromovimit pas divorcit nga Brad Pitt.
Edhe pse ish-bashkëshortët u divorcuan zyrtarisht në prill 2019, pasi u ndanë në shtator 2016, ata ende nuk kanë rënë dakord për të gjitha detajet e divorcit dhe as nuk e kanë zgjidhur kujdestarinë e gjashtë fëmijëve të tyre.
Në fillim të këtij viti, US Weekly mori konfirmimin se një gjykatës kishte vendosur që Angelina dhe Brad të ndajnë kujdestarinë e fëmijëve, gjë për të cilën Angelina nuk është dakort.
Ka qenë US Weekly ajo që së fundmi ka shkruar se Brad është në një gjendje shumë të keqe mendore për shkak të konfliktit të tij me Angelina-n dhe është përfolur shumë për marrëdhëniet e këqija të Brad me fëmijët e tyre më të mëdhenj. /tesheshi.com/
