“Klasik” është një term në gjuhën e kinematografisë, i cili i referohet cilësisë, ndikimit kulturor, risive teknologjike dhe faktorëve të tjerë të shumë në një film.
Citizen Kanë është një klasik, por është i tillë edhe Groundhog Day, sipas mënyrë së vet.
Po atëherë cilët do të jenë disa nga filmat e dekadës së fundit për të cilët do të flitet akoma në 50 vitet e ardhshme? Kjo nuk është një listë me filmat më të mirë të kësaj gjenerate, por thjeshtë një vështrim i filmave më të përfolur, më të shikuar, më të debatuar, me më shumë çmime dhe një vlerësim për pjesën e tyre “klasike”…
Birdman – Pa pikë dyshimi
Kryevepra e Alejandro G. Iñárritus me siguri do të mbahet mend për shumë vite me radhë. Shumë origjinal, unik në formatin e tij dhe një satirë e përkryer e një epoke specifike dhe të çuditshme të kinemasë.
Mbase gjëja më mbresëlënëse në këtë film, fitues i Çmimit Oskar, është fakti se pavarësisht formatit të tij eksperimental, ai arriti gjithsesi të na zbaviste, aq sa të jemi të gatshëm ta shohim prapë.
Avatar – Mbase jo
është e pa mohueshme se produksioni gjigant i James Cameronit, Avatar, do ta gjejë vendin e tij në librin e historisë së kinematografisë. Me fitimet kolosale prej 2.7 miliard dollarësh, është aktualisht filmi me fitimet më të mëdha i të gjitha kohërave – saqë as Star Wars, The Force Awakens nuk mundi ta kalonte.
Por a do të mbahet mend me nostalgji? Efektet e tij speciale kanë filluar që ta tradhtojnë që tani e të tregojnë shenja plakjeje. Ndonëse përdorimi i teknologjisë 3D ishte revolucionare për kohen kur doli filmi, tani konsiderohet si diçka e mërzitshme, të cilën mund të gjesh edhe në filmat më qesharakë.
Mad Max: Fury Road – Një po e vakët
Po, është çmenduri të pretendosh se Fury Road do të vlerësohet si klasik duke marrë parasysh se ka kaluar vetëm një vit që nga dalja e tij.
Por, Fury Road është një film i çmendur. 36 vjet pas filmit origjinal, George Miller rikthehet në shkretëtirën dhe tokat e djerra për të na dhënë adrenalinën më të madhe të kësaj dekade të kinematografisë.
Her – Po, si një dokument historik
Filmat që përshkruajnë të ardhmen mbeten tërheqës edhe pas disa dekadash pasi na tregojnë, në retrospektivë, si kemi dashur ta shohim përparimin e botës dhe cilat zhvillime në fakt nuk kemi arritur t’i parashikojmë.
Si i tillë, për filmin Her pa dyshim do të flitet në të ardhmen, pavarësisht nëse do të na ndodh të biem në dashuri me një kompjuter apo jo.
Ndonjë nga filmat për hapësirën? Mbase filmi Interstellar
Kemi parë të shpenzohet një buxhet i majmë për filmat e hapësirës kohët e fundit. Ndonëse asnjëri prej tyre nuk e arrin kreativitetin e filmit te Kubrick 2001: A Space Odyssey, filmi Interstellar ka një shans të mirë për të hyrë në histori.
Gravity dhe The Martian, ndonëse ishin të shkëlqyer nga ana teknike, nuk ishin shumë mbresëlënës.
Megjithatë, Interstellar ishte mjaft mbresëlënës. Nëse ndonjë film i Christopher Nolanit do t’i qëndrojë kohës, me siguri do të ishte ky.
Sigurisht, lista e filmave mbresëlënës është me e gjatë se kaq. /tesheshi.com/
