Mëngjesin e 4 prillit, dy anije me në bord gjithsej 131 migrantë që vinin nga ishulli grek i Lesbos kanë mbërritur në Dikili në Turqinë perëndimore. Bëhet fjalë për grupin e parë të migrantëve që kanë ardhur përmes detin dhe që Turqia ka pranuar t’i presë në këmbim të ndihmave të ndryshme ekonomike të premtuara nga Komisioni Europian në një marrëveshje të dakordësuar disa javë më parë (edhe pse termat e marrëveshjes nuk janë ende të qarta dhe me shumë mundësi do të qartësohen dalë ngadalë gjatë procesit).
Dy anijet kanë mbërritur nga Lesbo ndërsa pritet të mbërrijë në port edhe një anije tjetër e nisur nga Chio, i cili, bashkë me Lesbo është një nga ishujt që gjatë këtyre muajve ka qenë në shënjestrën e migrantëve të mbërritur në Greqi nga ishujt Turqisë.
Patrick Kingsley, një gazetar i njohur i The Guardian, i cili merret me çështjet e migracionit, tregon në Tëitter se autoritetet kanë kërkuar të “fshehin” lëvizjen e migrantëve duke mbuluar me qese plastike pamjen e gazetarëve (siç duket në foto).
Sapo kanë zbritur nga anijet, migrantët janë fotografuar dhe do të transferohen në disa kampe strehimi turke, në pritje të dëbimit. Gjithsej, sipas zërave zyrtarë të guvernatorit të provincës Dikili në Turqi, sot do të mbërrijnë 202 persona nga Lesbo dhe Chio.
Ewa Moncure, një zëdhënëse e agjencisë Frontex ka thënë se migrantët e ardhur sot në Dikili janë kryesisht me origjinë nga Pakistani apo Bangladeshi dhe kanë zgjedhur të mos kërkojnë azil. Moncure shton se në anije nuk ka pasur sirianë dhe se ende nuk dihet se kur do të nisë transferimi i tyre në Turqi. /tesheshi.com/
