Ndonëse serbët e veriut për muaj të tërë hezitua ta rrëzojnë murin ilegal që e ndërtuan, asnjë sekondë nuk kanë pritur që të nisin ndërtimin e të ashtuquajturës “strukturë betoni”.
Në këtë pjesë ku po ndërtohet “muri i ri” siç e quan opozita, prezent është edhe kryetari i veriut të Mitrovicës, Goran Rakiq, si dhe zyrtarë nga Ministria e Mjedisit dhe Planifikimit Hapësinor
Rakiq, një ditë më parë paralajmëroi “struktura e betonit” do të ketë lartësi prej 70 centimetra dhe gjerësi prej 120 centimetra, dhe sipas tij, do të “garantojë sigurinë për qytetarët e Komunës së Mitrovicës së veriut”.
Por zyrtarët e MMPH-së sot nuk kanë dhënë deklaratë për media, me arsyetimin se nuk janë të autorizuar për këtë. Raportohet se pasi të bëhet hapja e themeleve, zyrtarët e MMPH-së sërish do të jenë të pranishëm për të verifikuar saktësinë e dimensioneve të “strukturës mbrojtëse”.
Ndryshe, opozita po vazhdon të insistojë se muri nuk është rrëzuar por vetëm do të “spostohet” pak metra më larg, për thonë se qeveria mashtroi qytetarët kinse u rrëzua muri. /tesheshi.com/
