Zyrtarët Filipine kanë njoftuar se më shumë se 240 persona janë dërguar në spital për helmim, gjatë një gostie për ditëlindjen e 90-të të ish-zonjës së parë Imelda Marcos.
Kreu për Reagimin ndaj Fatkeqësive, Bryant wong tha se dhjetëra ambulanca transportuan të paktën 244 njerëz që kishin vjellë ose kishin marramendje pas mëngjesit të ngrënë me vezë e orizë një qendër sportive në Pasig, pranë kryeqytetit Manila.
Për shkak të kësaj, festa që duhej të zgjaste gjatë gjithë ditës u ndërpre. Aty merrnin pjesë rreth 2,000 vetë.
Bashkëshorti i Imeldas, Ferdinand Marcos, ishte president i Filipineve deri në vitin 1986 kur u rrëzua në demonstratat kombëtare që shpërthyen me akuzat për korrupsion dhe shkelje të të drejtave të njeriut. Ai vdiq në Havai në vitin 1989. /tesheshi.com/
