Fiksimi pas video-lojërave gati sa nuk e shkatërroi tërësisht këtë të ri. Bëhet fjalë për një 19-vjeçar, i cili nuk është larë e nuk është ushqyer për disa ditë rresht, vetëm për të luajtur me video-lojëra.
Siç raporton metro, djali ka dalë nga shtëpia për t’u “strehuar” në një internet kafe, ku mund të luante lojëra online, pa u shqetësuar dhe ndërprerë nga askush. Për disa ditë ai “ngeci” para kompjuterit pa ngrënë, pa u çuar, pa lëvizur, pa pirë e pa shkuar në tualet. Pas gjithë kësaj kohe, ato që pësuan gjithçka ishin këmbët e tij, të cilat nisën të dekompozoheshin dhe të mbanin një erë të keqe.
19-vjeçari u gjend në rrethinat e një unaze hekurudhore në Hangzhou të Kinës, pas 6 ditëve që ishte larguar nga banesa e tij. Ai ishte prekur nga një infeksion i rëndë në këmbë. Mjekët thanë se nëse nuk do të ishte kapur në kohë, infeksioni do ta kishte vrarë djalin. /tesheshi.com/
