Sot, agresioni rus kundër Ukrainës ka hyrë në muajin e tretë. Fundi i luftimeve nuk shihet, mijëra ushtarë janë vranë nga të dyja anët, miliona ukrainas janë shndërruar në refugjatë dhe gjithashtu, qytetet ukrainase janë kthyerv në gërmadha. Është gjithashtu shqetësues fakti që agresioni rus po bëhet më brutal dhe pasojat po transmetohen gjithnjë e më shumë në të gjithë botën.
Më 24 shkurt, Rusia sulmoi Ukrainën nga tre drejtime në sulmin më të madh ndaj një vendi evropian që nga Lufta e Dytë Botërore. Dhjetëra mijëra civilë u larguan nga luftimet në ditët e para dhe presidenti rus Vladimir Putin shpjegoi se ai po fillonte një “operacion special ushtarak për çmilitarizimin dhe denazifikimin e Ukrainës”.
Presidenti ukrainas Volodymyr Zelensky tha: “Rusia ka marrë rrugën e së keqes, por Ukraina po mbron veten”.
Forcat ruse janë përballur me probleme të papritura, duke filluar nga problemet e shumta logjistike deri te rezistenca heroike e ukrainasve. Një muaj pas fillimit të agresionit, Rusia hoqi dorë nga pushtimi i Kievit dhe tërhoqi forcat e saj në një disfatë të madhe në lindje të Ukrainës. Moska thotë se po redukton ambiciet e saj dhe do të fokusohet në territorin e pretenduar nga separatistët e mbështetur nga Rusia në Ukrainën lindore, ndërsa forcat ukrainase rimarrin qytetet përreth Kievit.
Ukraina akuzoi Rusinë për krime lufte në fillim të marsit, pasi një varr masiv u gjet në një periferi të çliruar të Kievit, në Bucha. Në ditët në vijim, Ukraina po zbulon edhe disa varre masive, gjë që e bën të qartë se ushtarët rusë kanë kryer krime të shumta. Fatkeqësisht, ushtria ruse ka vazhduar agresionin e saj brutal deri më sot, gjë që ka rritur ndjeshëm numrin e civilëve të vrarë dhe qytetet e shkatërruara.
Ukraine has been heroically and successfully fighting for its independence for two months. This is also two months of shame for Russia. The myth about the strength of Russia's Forces is buried in Ukrainian soil. Why is Ukraine winning and what is its superpower? #ArmUkraineNow pic.twitter.com/8egw0P0Eqh
— Militarnyi (@militarnyi) April 24, 2022
Rusia pësoi një goditje të madhe më 14 prill – krenaria e marinës ruse në Detin e Zi, kryqëzori “Moskva”, u mbyt pas një shpërthimi. Ukraina thotë se ishet ajo që e goditi me raketa.
Rusia nisi një sulm në Ukrainën lindore më 18 prill, e fuqizuar nga mijëra trupa të reja në atë që Ukraina e përshkroi si beteja për Donbasin, një okupim i planifikuar i dy provincave lindore për të krijuar një urë tokësore me Krimenë, pjesë e Ukrainës e pushtuar nga Rusia në 2014.
Gjenerali rus zbuloi të premten se Moska dëshiron të pushtojë të gjithë Ukrainën jugore dhe lindore. /tesheshi.com/
