Arbitrat e Kampionatit Botëror të Rusisë do të kalojnë në një karantinë të vërtetë, ndërkohë që do të kenë të vendosur gjyqtarin e katërt, siç quhet VAR apo Video Asistent Refer.
Siç bëri të ditur FIFA, një organizëm i përbërë nga arbitrat më të njohur të botës do të mbajnë nën vëzhgim njerëzit që do të përzgjidhen për të arbitruar Botërorin e Rusisë.
Vendimi për VAR u morr në Bogota të Kolumbisë gjatë një mbledhjeje të Komitetit Ekzekutiv të FIFA-s, pikërisht për çështjen e gjykimit.
Në të gjithë stadiumet e Botërorit do të instalohen kamerat së bashku me regjinë, që do të jenë të lidhur me një aparaturë, e cila në formë ore do të shihet nga gjyqtari kryesor i çdo ndeshjeje.
Presidenti i FIFA-s, Gianni Infantino, deklaroi se “e gjithë bota do ta marrë vesh në një minutë se ç’ndodh në një kënd të stadiumit ku po zhvillohet një takim i kampionatit botëror”.
Sipas rregullores, arbitri mund të kërkojë ndërhyrjen e VAR vetëm në katër raste:
1-Për të vendosur vlefshmërinë e një goli.
2-Për të nxjerrë kartonin e kuq.
3-Për të analizuar një rast për penallti.
4-Për të korrigjuar një gabim mbi identifikimin e ndonjë lojtari që mund të ndëshkohet. /tesheshi.com/
