FIFA ndëshkon Al Nassr: ku e ka shkelur skuadra e Cristiano Ronaldos?

Skuadra saudite Al-Nassr ka harruar t’i paguajë 460 mijë euro Leicesterit anglez në emër të bonusit që futbollisti nigerian Ahmed Musa arriti me numrin e paraqitjeve pesë vite më parë.

Për shkak të kësaj, FIFA vendosi të ndëshkojë ashpër Al-Nassr duke ndaluar regjistrimin e lojtarëve të rinj në tre periudhat e ardhshme transferuese.

FIFA dërgoi paralajmërimin e parë për sauditët në tetor 2021, por Al-Nassr nuk reagoi. Al-Nassr tani duhet t’i paguajë Leicesterit 460,000 në tre periudhat e ardhshme kalimtare dhe nëse kjo nuk ndodh, çështja do të shkojë në komitetin disiplinor të FIFA-s.

Megjithatë, Al-Nassr nuk ka probleme financiare dhe është gati të shlyejë borxhin menjëherë.

Al-Nassr solli Cristiano Ronaldon në janar.

Portugezi ka nënshkruar kontratë për dy vite e gjysmë dhe paga e tij vjetore do të jetë rreth 200 milionë euro, por në këtë shumë është përfshirë edhe pjesa komerciale e kontratës. Kjo e bëri portugezin futbollistin më të paguar në botë. /tesheshi.com/