Organizmi më i lartë i futbollit botëror, FIFA, nuk e ka marrë në konsideratë ankesën e serbëve ndaj festimit me shqiponjë të dyshes shqiptare Xhaka – Shaqiri, pas dy golave në portën e saj në përballjen me Zvicrën.
Në gjykimin e serbëve, shqiponja ishte një provokim ndaj tyre me idenë e Shqipërisë së Madhe.
Por FIFA ka gjykuar krejt ndryshe dhe në hetimet e saj nuk ka gjetur mesazhe të tilla nga kryqëzimi i duarve të dy futbollistëve.
Por kjo deri në pikën e mospërjashtimit, pasi dyshja shqiptare u ndëshkua gjithsesi me nga 10 mijë franga gjobë. Një pesëmishe pas tyre morri dhe kapiteni, zvicerani Stephan Lichsteiner, që gjithashtu bëri shqiponjën. Ndërsa Federata serbe u ndëshkua me 45 mijë franga gjobë, për gjestet anti-sportive të tifozerisë së saj në shkallët e stadiumit.
Kështu, Xhaka e Shaqiri do vijojnë të jenë në fushë në ndeshjen e radhës, atë më Kosta Rikën. Ndryshe nga Brazili e Serbia, e ka më të lehtë kalimin në grup, pas fitores spektakolare ndaj kësaj të fundit. /tesheshi.com/
