Marrëdhënia e ngrohtë me presidentin e tanishëm të FIFA-s ka bërë që ish-kapitenit të Argjentinës, një prej lojtarëve më të mirë që ka njohur historia e futbollit, në mos më i miri, t’i ofrohet një rol ambasadorial në organin botëror qeverisës të kësaj loje.
Një kritik i ashpër i ish-presidentit Sepp Blater, kampioni i botës në 1986-n, Maradona, e ka bërë të njohur me gëzim detyrën e re në faqen e tij në një prej mediave sociale.
“Tani është zyrtare. Më në fund mund të përmbush një nga ëndrrat e jetës sime: të punoj për një FIFA të pastër dhe transparente përkrah njerëzve që vërtet e duan futbollin. Faleminderit të gjithë atyre që më kanë inkurajuar të përballem me këtë sfidë të re.”
FIFA është në procesin e rimëkëmbjes pas goditjeve të njëpasnjëshme nga skandalet korruptive në radhët e saj. Pas përjashtimit për gjashtë vite të ish-drejtuesit, Gianni Infantino e mori drejtimin e FIFA-s në muajt e parë të vitit të shkuar në një kongres të jashtëzakonshëm. /tesheshi.com/
