FIFA ka dënuar Serbinë, por jo për sharjet e aluduara nëpër dhëmbë të trajnerit Stojkoviç, kundër shqiptarëve në rastin e përballjes me Zvicrën. Serbët janë dënuar për një flamur me Kosovën në dhomat e tyre të zhveshjes.
Komisioni disiplinor i FIFA-s e dënoi federatën serbe me 20,000 franga zvicerane për “shkelje të nenit 11 të Kodit Disiplinor të FIFA-s dhe nenit 4 të Rregullores së Kupës së Botës FIFA 2022”.
Kjo pasi pas ndeshjes kundër Brazilit, në dhomën e zhveshjes që u përdor nga kombëtarja e Serbisë, u shfaq një flamur me hartën e Kosovës të pikturuar me ngjyrat e flamurit serb, me sloganin: “Jo dorëzim”.
Gjithashtu, u dënua me një gjobë prej 50,000 franga zvicerane Federatën Kroate të Futbollit (HNS), për sjelljen e disa tifozëve në ndeshjen kundër Kanadasë.
Në atë ndeshje, një pjesë e tifozëve kroatë ofenduan portierin kanadez Milan Borjan, i cili ka rrënjë serbe dhe që më herët kishte bërë deklarata të pahijshme për Luftën Atdhetare. Në tribuna u shfaq edhe një poster me përmbajtje fyese.
Një gjobë pati dhe për federatën saudite,15,000 franga, për shkak të sjelljes së papërshtatshme të lojtarëve që u ndëshkuan me gjashtë kartonë të verdhë gjatë ndeshjeve kundër Argjentinës dhe Meksikës. /tesheshi.com/
