Vetëm në vende afrikane dhe Shqipëri mund të ndodh që të vuash si qen nga varfëria duke jetuar mes pasurisë. Kështu, nga një reportazh i realizuar në fshatin Fierzë të Pukës nga News 24, aty ku nxirren miliarda nga hidrocentrali me të njëjtin emër, ka rezultuar se banorët jetojnë në një mjerim të pashoq.
Dhe jo vetëm kaq, ata vuajnë edhe nga furnizimi me energji elektrike, gjë që shfaq një anë tjetër të errët të këtij paradoksi. Linjat, siç e treguan dhe pamjet që fokusuan shtyllat e lidhura prej druri apo telat që ndodh të vareshin dhe mbi degë pemësh, ishin në gjendje katastrofale.
Një banor madje tha se një linjë e re që kishte nisur të shtrohej këtu e ca vite më parë, ishte ndërprerë për shkak të prishjes së koalicionit mes Berishës dhe Metës. Interesante ishte dhe qendra shëndetësore e fshatit, e cila ishte katandisur në magazinë kripe për ndërrmarjen e rrugëve në rast akulli në rrugë. /tesheshi.com/
