Ka ndodhur sërish në Fier. Pak javë pasi një qytetar humbi jetën në përleshje me grabitësit e një pike valutore, ngjarje e ndodhur në qendër të qytetit, kësaj here i vdekur ka mbetur një grabitës ndërsa është plagosur një tjetër. Kjo pas një shkëmbimi zjarri mes tyre dhe policisë. Identiteti i viktimës është nuk është bërë i ditur, ndërsa i plagosuri është shtetasi Arben Muça, me origjinë nga Puka dhe banues në Ndroq.
Sipas policisë, grabitësit kanë qenë katër, një nga Fieri e tre nga Puka. Dy prej tyre kanë arritur të largohen. Gjithçka ndodhi në lagjen “29 Nëntori” ku grabitësit tentuan të hapin dyert e një apartamenti dhe u gjendën në përballje me policinë. Të armatosur, ata kanë reaguar duke shtënë mbi uniformat blu, për çka kanë marrë dhe kundërpërgjigje me zjarr.
Kujtojmë se në këtë qytet, në vitin 1992 ndodhi dhe ekzekutimi i fundit me varje, dënim i dhënë në bazë të legjislacionit ekzistues të kohës që e përmbante këtë lloj dënimi, hequr pak vite më vonë si detyrim nga Brukseli. Ishin vëllezërit Çuko ata që u varën në publik pasi kryen masakër me qëllim grabitjeje brenda një familjeje, në një nga fshatrat e zonës së Libofshës. /tesheshi.com/
