Ka rezultuar një fiasko arrestimi e më pas dhe akuza për terrorizëm, ndaj shtetasit Ergys Fallsia.
Ishte nëntori i dy viteve më parë, kur në prag të një ndeshjeje me Izraelin për eliminatoret e Botërorit, në Shkodër do arrestoheshin disa persona nën akuzën se po përgatisnin një akt terrorist ndaj ekipit hebre. Mes tyre ishte dhe Ergys Fallsia.
Por pas dy vitesh, çështja ndaj tij është pushuar pasi nuk është gjetur asnjë provë.
Atë kohë, arrestimet u justifikuan me faktin se ishin shërbimet izraelite ato që kishin rënë në gjurmë të grupit që do të godiste.
Dhe ajo që nuhatej se ishte një truk, një sajesë, ka rezultuar si e tillë.
Ergys Fallsia është i lirë dhe i takon të hapë procese për t’u dëmshpërblyer edhe moralisht. /tesheshi.com/
