Muslimanët në të gjithë botën po festojnë festivalin e Bajramit të Vogël, që përkon me ritet finale të Haxhit në Arabinë Saudite.
Ndërsa shumë muslimanë festojnë këtë të martë, miliona të tjerë, përfshirë edhe ata në Azinë Jugore, do të festojnë nisjen e festivalit fetar një ditë më pas.
Eid al-Adha, që nga arabishtja do të thotë fjalë për fjalë “festivali i sakrificës”, përkujton historinë e profetit Ibrahim vendosur nën provën e besimit. Muslimanët besojnë se Ibrahimi u urdhërua nga Zoti të sakrifikonte djalin e tij, Ismailin. Tradita rrëfen se Zoti ia mbajti dorën, duke e kursyer djalin, dhe duke vendosur në vend të tij një dash.
Dita shënohet me sakrifikimin e një kafshe, zakonisht një dhi, dele apo lopë, dhe shpërndarjen e mishit midis fqinjëve, anëtarëve të familjes dhe të varfërve.
Në fshatin Mina, afër qytetit të shenjtë mysliman të Mekës, në shënim të ditës, miliona pelegrinë performojnë ritualin e të qëlluarit simbolik me gurë të djallit.
Haxhi pesëditor përfshin një sërë ritualesh që synojnë të pastrojnë shpirtin nga mëkatet dhe të distilojnë ndjesinë e barazisë dhe vëllazërisë midis muslimanëve.
Pelegrinazhi u kërkohet të gjithë muslimanëve me mundësi fizike dhe financiare për ta kryer atë.
Gjatë tre ditëve të fundit të Haxhit, pelegrinët meshkuj rruajnë kokat dhe heqin veshjen e bardhë të mbajtur gjatë Haxhit, të njohur si ‘ihram’. Gratë presin një cullufe të vogël floku në shenjë të rilindjes shpirtërore dhe përtëritjes.
Më poshtë janë disa nga postimet në median sociale që rrëfejnë për festimet.
