Bashkimi Europian dhe NATO sfidojnë Moskën pas kërcënimeve të hapura se do të destabilizojnë Malin e Zi pas pranimit në NATO.
Në një atmosferë shumë të zjarrtë dhe festive në qendër të Podgoricës, është mbajtur një ceremoni shumë solemne me rastin e 10-vjetorit të pavarësisë së Malit të Zi.
Kryeministri Milo Gjukanoviç, e ka bërë në mënyrë të qartë se i pëlqejnë apo jo dikujt,
“Mali i Zi do të shkojë në Perëndim dhe për atë e ka prerë biletën”, theksoi ai.
Në Podgoricë ishte ftuar zyrtarisht presidenti i Kosovës Hashim Thaçi, si shenjë se kush janë aleatët e sotëm të Podgoricës.
Ndërsa në një intervistë për revistën Politico, kryeministri malazez, Gjukanoviç akuzoi Kishën Ortodokse Serbe si një nga forcat që kërkon ta mbajë Malin e Zi në “skemat e vjetra”.
“Kisha Ortodokse Serbe kërkon të na mbajë lidhur me Beogradin dhe Rusinë dhe të përdorim stereotipet e vjetra. Ne kemi paguar një çmim të madh të historisë së popullit tonë.
Në Luftën e Parë Botërore u aneksuam nga Serbia dhe që atëherë Kisha Ortodokse malazeze u pezullua”, deklaroi Gjukanoviç në intervistën e dhënë për Politico.eu.
Duke e bërë të qartë politikën e tij, Gjukanoviç tha se Mali i Zi e ndau se ku do të shkonte që në vitin 1999, kur strehoi refugjatë nga Kosova, duke u distancuar nga krimet e Milosheviçit, por edhe kur nuk pranoi të sulmojë trupat e NATO-s.
Ndaj, sipas tij pranimi i vendit të tij në Aleancën e Atlantikut të Veriut është një vendim dialektik.
Ndërkaq, i dërguar në Podgoricë për të mbështetur këtë vend nga Brukseli ishte Presidenti i Bashkimit Europian, polaku Donald Tusk, i cili duke folur serbokroatisht deklaroi se “Mali i Zi është një vend i madh, edhe pse ka një territor të vogël; dhe popull i madh edhe pse nuk është numeroz.”
Tusk e bazoi definicionin e tij në qëndrimin e popullit malazez, që ai e quajti “durim” të gjatë por që më në fund u kurorëzua me sukses.
Opozita malazeze, e cila realisht është pjesa serbe nuk e ka pranuar referendumin dhe pavarësinë, ndërsa tani janë ngritur në shumë lëvizje kundër hyrjes në NATO.
Kremlini ka kërkuar në një deklaratë zyrtare që si pavarësia, edhe hyrja në NATO të bëhet me referendum.
Përkrah Rusisë doli edhe ish-kreu i Parlamentit malazez, Krivokapiç, i cili u shkarkua në mënyrë urgjente nga Gjukanoviq, duke premtuar edhe ndryshime në qeveri. /tesheshi.com/
