Ndër deputetët e rajonit, deputetët maqedonas për vitin 2017 rezultojnë kampionë shpënzimesh për harxhime rrugore. Sipas hulumtimeve të rrjetit të gazetarëve SKUP, llogaritë për udhëtime zyrtare të deputetëve për pagesa rrugore, karburant dhe shpenzime të tjera kanë shkuar në shuma deri në 4 mijë euro.
Por ky luks i deputetëve ka marrë një “goditje” pasi Komisioni për Sistem Politik votoi ndryshimet ligjore ku parashkohet një ulje me me 33% e kostove rrugore. Kryetari i komisionit, Aleksandar Kiracovski, duke arsyetuar propozim ligjin tha se tani do të jenë minimale mundësitë për keqpërdorimin e parave të qytetarëve.
“Si më përgjegjës në këtë shtet, dua të theksoj se kjo shumicë parlamentare, respektivisht të gjithë propozuesit e kësaj zgjidhjeje ligjore, janë iniciatorë që shpenzimet rrugore të ulen për 1/3, në krahasim me zgjidhjen ligjore paraprake. Kjo do të thotë se nga 30% e çmimit të derivateve për një kilometër, ne sot i propozojmë Kuvendit të Maqedonisë që ajo përqindje të ulet në 20%. Çdo rrugë e kaluar brenda Republikës së Maqedonisë, pavarësisht vendit ku jeton një deputet, deri në Kuvendin e Maqedonisë patjetër do të duhet të konfirmohet “, tha Kiracovski.
Inicimi për ndryshimet e tilla ligjore ishin propozim i grupit parlamentar të LSDM-së pas skandaleve të cilat u shpalosën vitin e kaluar ku disa prej deputetëve kishin marrë shuma marramendëse për harxhime rrugore.
10 deputetët që kryesojnë sipas shpenzimeve rrugore për vitin 2017 janë:
Alija Kamberovski – 4.280 Euro
Sasho Pockov – 3.975 Euro
Liljana Zaturovska – 3.932 Euro
Mira Stojçevska – 3.924 Euro
Agim Shakiri – 3.911 Euro
Aleksandar Kiracovski – 3.844 Euro
Sasho Vasilevski – 3.843 Euro
Tomislav Tuntev – 3.843 Euro
Vasko Kovaçevski – 3.829 Euro
Liljana Kuzmanovska – 3829 Euro
Në propozim ligjin e ri, po ashtu parashikohet që deputetët që jetojnë më larg Shkupit të mund të vendosin nëse do të dëshirojnë të udhëtojnë për çdo ditë, ose të marrin banesë me qira. /tesheshi.com/
