Një protestë kundër shkëputjes së Katalonjës u organizua në zemër të saj, në Barcelonë, ku me mijra që kërkonin unitetin kombëtar përshëndetën njerëzit nga ballkoni, duke tundur flamujt kombëtare, njoftoi AP.
Në një moment, pati tensione, pasi një grup prej rreth 100 separatistësh u përplasën me protestuesit që kërkonin unitet në Spanjë, por policia “u fut” midis dy grupeve dhe kështu u shmang konflikti.
Protesta është mbajtur dy ditë përpara festës kombëtare katalane “Diade”, e cila në vitet e fundit i ktheu separatistët në demonstrata masive që kërkonin shkëputjen nga Spanja.
Përkrahësit e pavarur organizuan një referendum më 1 tetor të vitit të kaluar, pavarësisht ndalimit të qeverisë së atëhershme të udhëhequr nga Mariano Rajoy.
Pas kësaj, parlamenti katalanas shpalli pavarësinë më 27 tetor, por rajoni u vendos menjëherë nën administrimin e drejtpërdrejtë të Madridit dhe liderët e saj u rrëzuan.
Ish-presidenti katalanas, Carles Puigdemont është në mërgim në Belgjikë për të shmangur një padi të paraqitur në Spanjë mbi akuzat e kryengritjes.
Kryeministri spanjoll Pedro Sanchez u premtoi katalanasve një referendum mbi statusin e ri të krahinës me më shumë autonomi, por tha se ishte një referendum për autonomi më të madhe, e jo për pavarësi. /tesheshi.com/
