Ferronikeli është kampion i vërtetë i futbollit kosovar. Pas fitimit të titullit të kampionit, drenasit fituan edhe Kupën. Në finalen e DigitAlb Kupës së Kosoës, ata mundën Trepçën 89’ pas ekzekutimit të penaltive, (5:4) pasi rezultati i kohës së rregullt (0:0) dhe ai i shtesës (1:1) nuk dhanë fitues.
Ferronikeli e dëshmoi edhe njëherë superioritetin e saj në këtë sezon në futbollin kosovar. Futbollistët e drejtuar nga Gani Sejdiu arritën të fitojnë edhe Kupën e Kosovës pasi në finale mposhtën mitrovicasit e Trepçës 89’. Koha e rregullt përfundoi pa gola 0:0, ndërsa në vazhdime secila skuadër shënoi nga një gol për ti siguruar penaltitë.
Nga rrethi i bardhë futbollistët e ‘Niklit’ ishin më të suksesshëm për të rrëmbyer trofeun e dytë këtë edicion. Pas fitimit të titullit, drenasit fitojnë kështu edhe kupën për të arritur suksesin më të madh që nga themelimi i klubit. Njëherit Ferronikeli mbron titullin e Kupës të fituar sezonin e shkuar dhe bëhet skuadra e parë që arrin ta mbron trofeun e Kupës. /tesheshi.com/
