Një foshnjë 9-muajshe ka vdekur nga dehidrim në kampin e refugjatëve “Moria” në ishullin grek të Lesbos. Lajmin e konfirmuan Mjekët pa Kufij (MSF).
“Jemi tejet të pikëlluar nga kjo tragjedi,” shkruan MSF në Twitter. Lajmi për incidentin tragjik u konfirmua nga administrata e kampit.
Fëmija nga Kongo u dërgua në spital para një jave, ku është diagnostifikuar me simptoma të dehidrimit. Kjo thuhet të ketë ndodhur për shkak të kushteve minimale në kamp si dhe për shkak të problemeve shëndetësore që iu shkaktuan atje.
Sipas MSF, 15,000 njerëz aktualisht banojnë në kampin Moria – rreth pesë herë më shumë se kapaciteti i tij maksimal. Në mesin e banuesve janë edhe 5,000 të mitur, për të cilët organizata humanitare thotë se është një ferr nga i cili duhet të shpëtohen sa më parë. /tesheshi.com/
