Rivalët kryesorë të Mercedes-it e kanë paraqitur diçka më vonë makinën e tyre sfiduese për 2018-n.
Ferrari SF71H shihet si shpresa për kthimin te titujt për konstruktorët që e paraqitën atë në Maranello.
Pararendësja, SF70H, i dha mundësi gjermanit Sebastian Vettel të fitonte pesë gara sezonin e 2017-s, si Ferrari më konkurrent në shumë vite.
Versioni i ri është mbështetur tek ai i vitit të shkuar, por ka gjithsesi disa ndryshime domethënëse, mes të cilave është mbizotërimi i ngjyrës së kuqe, pa të bardhën e pranishme tek makinat e mëhershme.
Drejtori teknik i Ferrari-t, Mattia Binotto, tha gjatë paraqitjes së njëvendëshes së kuqe se ishte punuar gjatë kësaj kohe për zhvillimin aerodinamik të makinës, për ta bërë atë më të fuqishme në garat me shpejtësi të lartë, si dhe për garantimin e një besueshmërie më të madhe.
Vettel, që për partner do të ketë sërish Kimi Raikkonen-in, deklaroi për SF71H-në e paraqitur sot: “Eshtë një hap i madh nga makina e vitit të kaluar. Le të shohim si ndihet.”
Kampionati i Formulës 1 nis në fund të marsit, me garën australiane. /tesheshi.com/
