Akademik Rexhep Qosja tha se beson që një ditë shqiptarët do të bashkohen. Duke folur në një intervistë për A2 CNN në Tiranë, ai tha se “Shqipëria dhe Kosova do të bashkohen, sepse ky bashkim është më së pari në interesin e shqiptarëve”. “Unë mendoj se shtetet e Ballkanit, kur ta kuptojnë këtë punë do ta pranojnë. E kanë më mirë me një shtet shqiptar në BE sesa me një”, tha akademiku i njohur.
Nga ana tjetër, ai ka sulmuar ashpër zërat që kërkojnë përçarje mes Tiranës e Prishtinës në aspektin politik, por dhe më gjerë mës dy anëve të kufirit.
“Këtu kemi intelektualë dhe akademikë që kanë shkruar Kosova ua ka thyer qafën dy perandorive, otomane dhe austro-hungareze, do ia thyejë edhe Shqipërisë. Kemi intelektualë që mendojnë se duhet të krijohet edhe kombi kosovar. Çfarë do të thotë kjo? Ju lutem. Kush ua jep atyre këtë të drejtë? Çfarë përfaqësojnë ata që flasin kështu?! Populli shqiptar është ndarë me dhunë dhe për 100 vjet. Janë mbushur burgjet e Serbisë dhe Greqisë që kanë kërkuar bashkimit”, theksoi Qosja
Ai qe më konkret kur foli për ngërçet deri në nivel kryeministror.
“Fërkimet, të cilat kanë qenë pak më të theksuara Rama-Haradinaj, më duken të pakuptueshme dhe të çuditshme. Janë një popull, dy shtete, një kulturë dhe një të kaluar.
Këto fërkime janë të palejueshm”, tha akademik Qosja, duke besuar se me Albin Kurtin nuk jetë kështu.
“Këto janë në kundërshtim me orientimin e Albinit, por unë shpresoj se gjendja do të vijë duke u përmirësuar”. /tesheshi.com/
