Ai erdhi në Kosovë në vitin 1998 për t’iu bashkuar UÇK-së, por tani gjendja e tij është e mjerueshme. Kargus Karlhenz që ndryshe njihet dhe si Hansi, nuk u kthye më në vendin e tij pas përfundimit të luftës por ndenji në Kosovë dhe krijoi familje. Morri një grua kosovare dhe me të ka një djalë 13 vjeç. Ai jeton në Ferizaj dhe punon në FSK.
Por siç njofton shoqata e njohur bamirëse “Jetimat e Ballkanit”, ai nuk është kthyer asnjëherë në Gjermani dhe jeton në gjendje të rëndë, duke paralajmëruar ndërtimin e një shtëpie për të.
“Në Kosovë ka nevojë urgjente që ta ketë edhe ky një strehim bashkë me familjen e tij. Ka vite që ky i nderuar jeton herë në një shtëpi dhe herë në tjetrën shtëpi me qira. Ne e kemi vizituar dhe i kemi pa kushtet e rënda ku jeton. Ne mendojmë që kjo është më e pakta ndihmë që mund ta bëjmë për Hansin dhe familjen e tij, andaj edhe presim nga bamirësit që të na bashkohen që t’ia sigurojmë një strehim të përhershëm”, thuhet në njoftimin e kësaj shoqate.
“Jetimat e Ballkanit”që drejtohet nga Halil Kastrati (në foto me Hansin), një ish-emigrant i kthyer në Kosovë për t’u angazhuar në misione bamirëse, u ka mundësuar qindra familjeve të pamundura kosovare, usshqim e strehë bashkë. Por tani ndodhet në sfidën e madhe që të mbledhë të ardhura për gjermanin që luftoi krahpërkrah shqiptarëve kundër genocidistëve serbë. /tesheshi.com/
