Sir Alex Ferguson vendosi të mos nënshkruajë me Franck Ribery te Manchester United nga Olimpique Marseille në vitin 2006, pasi e pa atë për vetëm 45 minuta.
Ferguson e cilësoi të papërshtatshëm për skuadrën që drejtonte në atë kohë francezin, që më pas kaloi te gjigandët bavarezë të Bayern Munchen.
Sipas ish-këshilltarit të kryeministrit anglez, Tony Blair dhe shokut të ngushtë të trajnerit Sir Alex Fergusonit, Alastair Campbell, i cili ka botuar një libër, ish-trajneri i Unitedit ishte i prerë në vendimin e tij për të mos e afruar Ribery në skuadër.
Campbell ishte pjesë e grupit me Ferguson-in, teksa të dy bashkë shkuan të shikonin Ribery-n, në ndeshjen që Marseille luante ndaj Boltont në Kupën UEFA, në shkurt të 2006.
Ferguson, pasi e pa konkludoi se anësori francez, i cili ishte lojtari i vitit në Ligue 1 në atë sezon, nuk ishte i mirë për Unitedin.
“Alex po shikonte nga afër Franck Riberyn, sulmuesin e Marseille, por vendosi pas 45 minutash që ai nuk i duhej Manchester United-it”, ka shkruar Campbell.
Ribery mbeti në Marseille deri në vitin 2007 përpara se të kalonte në gjigantët e Bundesligës, Bayern Munich, për një shifër prej 25 milionë eurosh.
Francezi ka fituar çmime të shumta me klubin gjerman, duke përfshirë shtatë tituj në Gjermani dhe Champions League në sezonin 2012-13. /tesheshi.com/
