Pas dorëheqjes se Ferid Agani nga posti i ministrit të Mjedisit dhe Planifikimit Hapësinor, një akt i veçuar me bazë morale, i pahasur me ndonjë qeveritar tjetër shqiptare, kreu i qeverisë së Kosovës, Isa Mustafa ka gjetur zëvendësin e tij.
Është Ferat Shala, i cili deri me tani ka qenë zv/ministër po në këtë ministri, i ardhur nga partia e Thaçi -Veselit.
“Z. Ferat Shala autorizohet të ushtroj detyrat dhe përgjegjësitë e ministrit të Ministrisë së Mjedisit dhe Planifikimit Hapësinor, pas dorëheqjes së z. Agani”, thuhet në vendimin e qeverisë.
Ish-ministri Agani kërkoi nga kryeministri që ta lirojë nga detyra deri në një vendim të prerë të gjykatës, pasi akuzohet për keqpërdorim të detyrës sa ishte ministër i Shëndetësisë, ndërkohë që në vendimin e kryeministrit Mustafa kjo nuk cetek askund, si dhe nuk përmendet “deri në kthimin e ministrit Agani”.
Po kush është Ferat Shala?
Ferat Shala, i cili vjen nga një fshat i Komunës së Drenasit, em që me profesion është doktor i shkencave gjeologjike, punon profesor/asistent në Fakultetin e Inxhinierisë Mekanike në Prishtinë. Për katër vjet ka drejtuar ndërmarrjen “Trepça”.
Gjatë luftës, Ferat Shala ka qenë drejtori i Drejtorisë për Kundërzbulim në Shërbimin Informativ të Kosovës.
Pra, pas një të akuzuari për keqpërdorim të detyrës, në drejtimin e MMPH-së vjen edhe një i akuzuar për vrasje.
Ferat Shala akuzohet për vrasjen e familjes Hamzë Hajra, për të cilën është dënuar grupi “Kiçina”.
Muaj më parë, Ferat Shala ishte akuzuar nga Faton Ramadani, vëllai i Burim e Arsim Ramadanit, i cili tha se ai, Ferati pra, me urdhër të ish-shefit të SHIK-ut, Kadri Veselit, ka dhënë para për vrasjen e familjes Hajra.
“Sipas dëshmisë së dëshmitarit që posedon EULEX-i të incizuar, thuhet se 70 mijë markat që i dha Ferat Shala ‘Sh.S’ për ta vrarë familjen Hajra, ishin me urdhërin e shefit te SHIK-ut, Kadri Veselit,” deklaroi Faton Ramadani.
Ish-drejtori i kundërzbulimit në SHIK, Ferat Shala në një emision ka folur për herë të parë për akuzat që i janë bërë atij, duke e implikuar në vrasjen e familjes Hajra.
Ai ka treguar se familja Ramadani kishin kërkuar takim me të para disa muajsh.
Ky takim, sipas Shalës, fillimisht ishte thirrur si miqësor dhe për të kërkuar mbështetje për djemtë që janë në burg, të cilët pretendojnë se po mbahen pa faj.
Më pas Shala ka rrëfyer se ata kishin deklaruar se posedonin një incizim në të cilin Shpresim Uka pohon se Ferat Shala e kishte paguar një person për vrasjen e Hamzë Hajres dhe familjes së tij.
Shala deklaron se ai kishte refuzuar të dëgjonte këtë xhirim dhe u kishte thënë atyre që për këtë gjë t’i drejtohen EULEX-it. Gjë të cilën edhe e ka bërë familja Ramadani.
Këto pohime të Faton Ramadanit i ka mohuar Shpresim Uka, i cili është ndjer i fyer nga apostrofimi i emrit të tij.
Por, a do ta ketë edhe ministri i ri MMPH-së fatin e paraardhësit të tij që të dorëhiqet nga zëvendësministri dhe ushtruesi i detyrës së ministrit, deri satë dalë e vërteta?! Ndërkohë, po kryeministri Mustafa a do të reflektojë për të pasur kabinetin e pastër nga akuzat për keqpërdorime dhe vrasje, siç dha shembullin e tij Agani?!
Deri me tani, PD ka qenë pjesë e qeverisë vetëm me këtë ministri, por nga momenti kur kjo ministri u morr nën udhëheqje nga partneri i koalicionit, PDK, ende mbetet e paqartë pozicioni i PD-së se a është ende pjesë e qeverisë apo jo.
Siç bëjnë të ditur nga PD, pjesë e marrëveshjes ka qenë që deri në kthimin e ministrit Agani duhet të emërohet një emër nga PD, por kjo nuk ndodhi, pasi që PDK me ketë shkeli edhe marrëveshjen./tesheshi.com/
