Ndotja e ajrit në disa qytete të Kosovës ka arritur në nivele të rrezikshme për shëndetin e qytetarëve, konkludohet nga autoritet e fushës. Vlerat e PM 2.5 ishin mbi ato të lejuara – është një rezultat i fundit dalë prej tyre.
Veçohen për këtë “indianizim” të ajrit Prishtina dhe disa qytete të tjera si Obiliqi, Mitrovica, Gjilani dhe Drenasi.
Sipas Instituti Kombëtar i Shëndetit Publik, duhet që urgjentisht të përpilohet një plan veprimi për përmirësimin e cilësisë së ajrit, sidomos në kryeqytet dhe të ndërmerren masa tjera specifike.
Instituti kërkon që të hiqen nga përdorimi automjetett e vjetra dhe ato pa flitra, ndërkohë që inspektoratet e mjedisit të bëjnë kontrollin rigoroz të kualitetit të karburanteve dhe konsumimit të lëndëve të ngurta djegëse që përdoren për ngrohje nga qytetarët. Madje nga këto fundit thuhet se vjen e gjithë kjo gjendje “genocidale” në ajërthithje e cila karakterizon muajt e dimrit, pasi lënda bazë për t’u ngrohur është thëngjilli.
“Efektet afatshkurta të aerondotjes nga partikulat sipas shumë të dhënave na çojnë drejt rritjes së numrit të sëmurëve me astmës bronkiale, bronkitet kronike, sëmundje kronike obstruktive të mushkërive te moshat e shtyra, rritjen e numrit të pranimeve spitalore nga sëmundjet kardiovaskulare dhe ato respiratore, kancer, shkurtimin e jetës dhe rritjes e shkallës së mortalitetit”, thuhet në një deklaratë të Institutit të Shëndetit Publik.
Vecc thëngjillit e automjeteve të vjetra, një ndotës potencial thuhet se është dhe KEK-u (Korporata Energjetike e Kosovës: me komplekset e saj të njohura.
Leutrim Sahiti, këshilltar politik i ministrit në detyrë të Mjedisit, tha për Radion Evropa e Lirë se janë marrë masa për reduktimin e ndotjes së ajrit, por që sipas tij, përveç institucioneve edhe qytetarët do të duhej të kontribuonin në ruajtjen e cilësisë së ajrit.
Ai ju bën thirrje qytetarëve që të mos ngrohen me thëngjill, por të përdoren lëndë tjera djegëse më pak të dëmshme për mjedisin.
Për degradimin e mjedisit jetësor, Kosova është kritikuar edhe nga institucionet ndërkombëtarë.
Në raportet e tyre, Kosova ishte renditur në nivelin më të ulët të standardeve mjedisore në Ballkanin Perëndimore dhe në Evropë.
Ndërkohë, në valën e ikjeve, si arsyetim e atyre që tentojnë azilin, ka dalë dhe ajri i ndotur. /tesheshi.cim/
