Që femrat kalojnë më shumë kohë se meshkujt përpara pasqyrës, kjo dihet dhe është vërtetuar edhe nga një kërkim anglez. Ato kalojnë një numër mjaft të madh orësh përpara pasqyrës dhe më saktësisht, plotë 91 orë në vit duke bërë tualet apo duke parë veten.
Sipas një artikulli të publikuar në feelunique.com, i bazuar në një kërkim britanik, kanë dalë edhe orët e sakta dhe mesatare që një femër kalon përpara telefonit duke bërë selfie.
Studimi është bazuar në një kampion prej 2 mijë femrash dhe ka treguar se ato i kushtojnë rreth 48 minuta në ditë, në një total prej 5 për e 36 minuta në javë, me realizimin e vetëshkrepjeve për të zgjedhur më pas më të mirën që ta publikojnë në rrjetet sociale.
Më “të çmendurat” për të bërë selfie janë vajzat e moshës 16-25 vjeç, të cilat kanë si qëllim publikimin e fotografive në rrjetet sociale, në mënyrë që të marrin sa më shumë pëlqime.
Një në tre persona ka pranuar se publikon fotografi selfie në mënyrë që të ketë mundësinë të ekspozohet përpara të tjerëve (femrat kundrejt meshkujve dhe meshkujt kundrejt femrave), për të rënë në sy apo edhe për “hakmarrje”. Një në pesë femra ka pranuar se ka bërë fotografi seksi në mënyrë që të bëjë ish të dashurin xheloz dhe të pendohet që janë ndarë.
Bërja e fotografive selfie kërkon edhe një lloj pregatitje. Vajzat e marra në intervistë kanë treguar se përpara se të dalin në fokusin e kameras fillimisht lyhen, rregullojnë flokët, gjejnë pozicionin e duhur, zgjedhin dritën, e më pas bëjnë disa poza.
Mirëpo, kaq nuk mjafton pasi 27% e vajzave kanë pranuar se kur fotografitë e tyre nuk kanë marrë shumë pëlqime, ato i kanë hequr nga rrjetet sociale. Që selfiet po shndërrohen në një mani, kjo tashmë dihet, por shpresojmë që të mos shndërrohet në një sëmundje masive./tesheshi.com/
