Një studim i ri nga Universiteti i Oxfordit ka hedhur poshtë hamendësimet se fëmijët me vëllezër e motra më të vegjël nuk marrin vëmendjen e duhur nga prindërit dhe si pasojë kanë mangësi në mësimnxënie.
Kështu, kërkuesit kanë vëzhguar shumë raste familjesh me më shumë se një fëmijë dhe kanë analizuar ecurinë në shkollë të fëmijëve më të mëdhenj.
Ata kanë rezultuar si më të zellshëm se sa moshatarët e tyre që janë fëmijë të vetëm.
Studiuesit u përqendruan më së shumti në rastin e fëmijëve nga mosha 2 deri në moshën 4-vjeçare, me ndryshimet që kanë pësuar në jetët e tyre para dhe pas ardhjes së një pjestari të ri në familje.
Në të kundërt të kërkimeve të mëparshme zbuluan se pavarsisht se vëmendja dhe koha e prindërve është më shumë e përqendruar tek i porsalinduri, fëmija i madh i shtëpisë fillon të fitojë më shumë pavarësi dhe vetëbesim, gjë që e ndihmon në përthithjen e njohurive dhe rritjen e cilësisë së mësimnxënies.
Ky lloj zbulimi rezultoi i njëjtë për shumicën e familjeve pavarësisht të ardhurave ekonomike, rracës, etnisë dhe përkatësisë fetare. /tesheshi.com/
