Ahmed al-Sokani, një 35-vjeçar nga qyteti i Gazës u bë baba i dy binjakëve këtë javë, një djali të quajtur Motaz dhe një vajze të quajtur Siwar.
Gruaja e tij, Huwayda, përdori spermën e bashkëshortit të saj, i cili është në vitin e 13 të dënimit në një burg të Izraelit, nga një sentencë prej 27 vjetësh, për të mbetur shtatzanë përmes fertilizimit in-vitro.
Sipas historisë që përcjell Anadolu Agency, zëdhënësi i shoqatës jofitimprurëse “Waed Captive dhe Liberators Society”, thotë se rreth 50 fëmijë palestinezë kanë lindur përmes kësaj metode, 10 prej të cilëve në Rripin e Gazës dhe 40 të tjerë në Bregun Perëndimor.
Huwayda, nëna e binjakëve, thotë se lindja e Motaz dhe Siwar përfaqëson një “mesazh fitoreje” nga të gjithë të ndaluarit palestinezë që dergjen në burgjet e Izraelit.
Duke mbajtur në krahë binjakët në spitalin e qytetit të Gazës, ajo i tha agjencisë Anadolu: Nuk mund ta them me fjalë lumturinë që ndjej!”
Disa akademikë myslimanë palestinezë, mes të cilëve Ikrima Sabri, ish-Myftiu i Madh i Palestinës dhe sheiku Hamid al-Bitawi, ish-kreu i Ligës Palestineze të Akademikëve (që ndërroi jetë në 2012) kanë lëshuar opionione legale të quajtura fatëa, për të lejuar gratë të kenë fëmijë nga burrat e tyre të burgosur me dënime të gjata në Izrael.
Muhannad al-Zein është i pari fëmijë që ka lindur përmes kësaj metode. Nëna e tij e solli në jetë me spermën e nxjerrë fshehurazi nga burgu ku i shoqi vuan dënimin.
Të pyetur sesi ekzaktësisht nxirret sperma jashtë burgjeve izraelite, burimet nuk dhanë detaje për arsye sigurie.
Sipas një studimi të fundit të realizuar nga Qendra e Studimeve për të Burgosurit, një OJF palestineze, rreth 7 mijë palestinezë mbahen në burgjet e Izraelit, ku mes tyre 476 janë dënuar me një apo disa burgime të përjetshme. /tesheshi/
