Nuk është kurrë vonë për të mësuar por as shumë herët, sidomos kur bëhet fjalë për të mësuar një gjuhë. Përfitimet e të qenit dygjuhësh janë të shumta tek të rrituri, por tashmë njihen edhe përfitimet tek fëmijët, madje edhe para se të fillojnë të flasin.
Këtë e vërteton një studim i kryer nga Universiteti i Uashingtonit, gjatë të cilit janë marrë nën vëzhgim 16 fëmijë të moshës 1-vjeçare prej të cilëve 8 nga familje që dijnë vetëm një gjuhë dhe 8 nga familje dygjuhëshe.
Që para se të fillojnë të flasin, fëmijët nga familje dygjuhëshe bëjnë praktikë me aktivitete që kërkojnë përdorimin e pjesës së trurit përgjegjëse për veprimet. Sipas autores së studimit, shkencëtares Naja Ferjan Ramirez, kjo do të thotë se dygjuhësia është një aftësi që mundëson jo vetëm zhvillimin gjuhësor tek fëmijët por lehtëson edhe aftësitë njohëse në përgjithësi.
Studimi i publikuar në Science Daily tregon gjithashtu se fëmijët dygjuhëshe kanë një përqendrim më të theksuar ndaj tingujve dhe se janë më të predispozuar për të thithur gjuhë të reja se bashkëmoshatarët e tjerë. /tesheshi.com/
