Katër vjet më parë, bota u trondit nga një foto e humanistes daneze Anja Ringgren Lovén duke i dhënë ujë nga një shishe një vogëlushi nigerian plotësisht të uritur.
Djali, i cili ishte 2 vjeç në atë kohë, u la nga prindërit e tij në rrugët e qytetit Eket, duke pretenduar se ishte i pushtuar nga magjia.
Për tetë muaj, djali fatkeq hëngri mbetjet e hedhura tek ai nga kalimtarët. Por një takim me humanitaren daneze i ndryshoi jetën.
“Ai ishte në një gjendje të tmerrshme kur e gjetëm”, tha Anja. Vogëlushi u quajt Shpresa.
“Ai ishte në spital për dy javët e para, ne nuk e dinim nëse do të mbijetonte,” tha Anja.
Që nga ajo kohë, fëmija është ushqyer e kujdesur nga organizata humanitare.
“Ai është shumë inteligjent dhe e do artin, është krijues dhe shumë nga punët e tij janë shitur tashmë. Ne e quajmë atë ‘Picasso-n tonë të vogël'”, tha Anja.
Shpresa kurrë më nuk u takua me prindërit e tij dhe madje nuk ishte e mundur të gjurmohen të afërmit e tij.
“Ai është i madh tani dhe herë pas here shikon foton tonë të parë. Qesh, duket krenar. Ai është gjithashtu i vetëdijshëm për rrugën me gjemba që ka kaluar. Fëmijët lindin me aftësinë për të falur, pa paragjykime. A po e rrisim atë që të urrejë prindërit që e lanë? Sigurisht jo! Asnjë shoqëri nuk mund të zhvillohet pa të drejtat themelore të njeriut, të tilla si aksesi në arsim dhe shëndetësi dhe kujdes social”, tha Anja Ringgren Lovén. /tesheshi.com/
