Një djalë 5-vjeçar nga Maroku, Rayan, i cili ra në një pus 32 metra të thellë të martën, është ende në të dhe shpëtimtarët po përpiqen me çdo mënyrë të mundshme për ta nxjerrë jashtë.
Sipas informacioneve të fundit, ekipet e shpëtimit i janë afruar dhe ai ka dhënë shenja jete.
Ata gërmuan gjithë natën për të arritur tek ai dhe hynë në fazën përfundimtare të këtij operacioni.
E gjithë bota po ndjek nga afër operacionin e shpëtimit të këtij fëmije që ra në një pus 32 metra të thellë.
Pritshmëritë që ai të gjendej i gjallë u shtuan mëngjesin e sotëm, ndërkohë që shpëtimtarët vazhduan të gërmojnë drejt boshtit të pusit, shkruan BBC.
Puna është ndërprerë përkohësisht ditën e djeshme për shkak të shqetësimeve për stabilitetin e tokës.
Ata u ngadalësuan edhe nga një shkëmb i madh, por llogaritet se në atë moment ishin vetëm dy metra larg pusit.
Vlerësohet se pothuajse e kanë arritur.
Qindra punëtorë, ekspertë teknikë, gazetarë, vullnetarë ndjekin këtë operacion përmes një lidhjeje live.
“I lutem Zotit që te gjentet i gjallë dhe shëndoshë”, tha nëna e djalit Wassima Kharchich.
Një nga anëtarët e ekipit të shpëtimit shpjegoi se vrima po ngushtohet – sa më shumë afrohen:
“Ndërsa afrohemi, gropa bëhet më e ngushtë dhe e vështirë për të ecur, gjë që e bën shumë të vështirë shpëtimin e fëmijës. Kjo është arsyeja pse na u desh të gjenim një teknikë tjetër – dhe ajo është gërmimi.”
Sipas BBC, autoritetet janë të shqetësuara se çdo “pengim” i pusit mund të shkaktojë një rrëshqitje dheu dhe kështu të lëndojë fëmijën.
“Ne jemi pothuajse atje,” tha një nga drejtuesit e operacionit, Abdesalam Makoudi të premten pasdite, duke shtuar:
“Ne punojmë pa ndërprerje për tre ditë dhe lodhja shfaqet, por i gjithë ekipi i shpëtimit duron”. /tesheshi.com/
