Fëmija i Francescës ka lindur para kohe, rreth një muaj nga dita e parashikuar për lindjen, por sipas mjekëve sapo të dilte nga spitali nuk do të kishte më probleme. Por vogëlushi Issac Ketley, 16 muajsh nga Hull, East Yorks (Angli) nisi të shfaqte vështirësitë e para teksa po i afrohej gjashtë muajve.
Vogëlushi tentonte të tërhiqej dhe të ngrihej në këmbë por nuk ia dilte dhe vështirësitë e tij u pikasën menjëherë nga nëna. Francesca, qysh nga ai moment nisi të konsultohet me mjekët dhe specialistët, ku pas pritjeve të gjata, nuk arriti të merrte një diagnozë shumë të qartë. Ajo që ju tha me saktësi është se kishte vonesë në zhvillim.
Tashmë për Issac ka nisur një jetë e re. Siç raporton sajti Swns.com, një shoqatë bamirësie i dhuroi një pajisje të veçantë, e cila e lejon që të ecë bashkë me nënën, babanë ose vëllanë e madh.
Në këtë mënyrë vogëlushi ndjek hap pas hapi personat që e shoqërojnë. “Jam e prekur, është fantastike. Më në fund mund të ecë si gjithë fëmijët e tjerë”, tha Francesca./tesheshi.com/
