Shefja e diplomacisë së Bashkimit Europian, Federica Mogherini, deklaroi pas mbledhjes së ministrave të Jashtëm të vendeve anëtare se
BE-ja ka nevojë për Turqinë dhe vendet e Ballkanit, për të arritur politika të përbashkëta që frenojnë valën e refugjatëve e cila nuk po përfundon.
Pikërisht kriza e refugjatëve ka detyruar Brukselin që të ndryshojë politikën me vendet e Ballkanit, duke “I përkëdhelur më shumë”.
Kriza e refugjatëve dhe pasojat për sigurinë e BE-së ishin në fokus të tryezës së Amstërdamit, ku Presidenca Holandeze mblodhi ministrat e Jashtëm të vendeve anëtare dhe kandidate të BE-së.
“Integrimi europian i këtyre vendeve, sidomos të Ballkanit Perëndimor (Shqipëria, Mal i Zi, Serbia, Maqedonia), por edhe Turqia, kanë një vlerë të shtuar më vete, sepse ne kemi nevojë për politika të përbashkëta dhe instrumente të përbashkët për të përballuar dhe menaxhuar një fenomen që na përket të gjithëve”, deklaroi Federica Mogherini, Përfaqësuese e Lartë e BE-së.
Kurse komisioneri për Zgjerimin, Johanes Hahn, deklaroi se “Pa treguar se jemi në gjëndje të kontrollojmë kufirin tonë të jashtëm, ne gjithmonë do të hasim probleme brenda Europës”.
/tesheshi.com/
