Roxher Federer nuk di të plaket, e duket sikur kalimin e viteve, e shoqëron me të tjerë turne të fituar. Në Shangai zvicerani mundi rivalin e përjetshëm Rafael Nadal në dy sete, 6-4 dhe 6-3, duke fituar mastersin e 6-të në 7 finale të luajtura këtë vit.
36 vjeçari e ka çuar në pesë numrin e fitoreve rradhazi ndaj Nadal, i cili gjithsesi mbetet numri 1 i botës. Federer ka zhvilluar një lojë sulmuese thuajse perfekte dhe nuk i la shumë kohë kundërshtarit të merrte inisiativën.
Pas kësaj fitoreje, zvicerani mbetet numri 2 i botës dhe deklaroi se do t luajë edhe turne të tjerë këtë vit, që mund të cilësohet edhe viti i tij i rilindjes. /tesheshi.com/
