Agjentët e Byrosë Federale të Hetimeve (FBI) që kontrolluan pasurinë e ish-presidentit amerikan Donald Trump në Florida morën 11 grupe dokumentesh të klasifikuara, duke përfshirë disa ato top sekrete, raporton Wall Street Journal.
Agjentët e FBI-së bastisën pronën e republikanit në Mar-a-Lago në Florida në fillim të javës, si pjesë e një hetimi nëse ai hoqi ilegalisht dokumentet nga Shtëpia e Bardhë kur po largohej nga zyra e presidentit në janar të vitit të kaluar.
FBI mori 20 kuti nga pasuria e Mar-a-Lago që përmbanin dokumente, albume fotografike, një shënim të shkruar me dorë dhe një urdhër ekzekutiv për të falur aleatin Roger Stone, tregon një listë e sendeve të sekuestruara.
Ato përmbajnë edhe informacione për “Presidentin e Francës”, shkruan Wall Street Journal, por nuk është e qartë nëse bëhet fjalë për kreun aktual të shtetit, Emmanuel Macron.
Rreziku ligjor
Lista me shtatë faqe e dokumenteve përfshin gjithashtu një urdhër kërkimi të FBI-së të miratuar nga gjyqtari Bruce Reinhart.
Zbulimi se Trump kishte dokumente të shënuara si “tepër sekret” mund të krijon një rrezik të madh ligjor për të.
Më herët të premten, Trump hodhi poshtë një raport të Washington Post që pretendonte se FBI kontrolloi Mar-a-Lago për dokumente të klasifikuara në lidhje me armët bërthamore.
Seanca dëgjimore e së hënës tregon se hetimet federale dhe shtetërore mbi veprimet e Trump gjatë presidencës së tij dhe në biznesin e tij privat janë intensifikuar. /tesheshi.com/
