FBI e ka shpallur Kinën kërcënimin më të madh për sundimin e ligjit në SHBA, ndërsa kreu i asaj agjencie amerikane të sigurisë tha se Pekini po përpiqej të vidhte teknologjinë amerikane “me të gjitha mënyrat”, njoftoi Reuters.
Drejtori i FBI, Christopher Wray tha në një konferencë për shtyp se agjensia aktualisht ka 1.000 hetime të hapura për vjedhjet kineze të teknologjisë në 56 zyra rajonale.
Shefi i kundërzbulimit John Brown tha se ata kishin arrestuar 24 persona në vitin 2019, dhe 19 të tjerë të vënë në pranga që nga fillimi i vitit 2020, kishin lidhje me rastin e vjedhjes kineze.
Në një konferencë në Qendrën për Studime Strategjike dhe Ndërkombëtare (CSIS), Broën tha që FBI beson se “asnjë vend nuk është më shumë një kërcënim sesa Kina komuniste”.
Ndërsa Wray shtoi se e gjithë qeveria amerikane duhet të adresojë këtë kërcënim dhe t’i përgjigjet asaj.
Vetëm në vitin 2019, autoritetet amerikane arrestuan dhe dëbuan dy diplomatë kinezë që hynë në një bazë ushtarake në Virxhinia. Ata arrestuan gjithashtu ish-zyrtarë të CIA-s dhe DIA-s që po spiunonin për Kinën. /tesheshi.com/
