Hillary Clinton mund të marrë frymë lirisht kur kanë mbetur fare pak nga dita e zgjedhjeve presidenciale në SHBA.
Ajo ka dalë dhe një herë tjetër e larë në një hetim të dytë të çështjes së postës së saj elektronike.
Drejtuesi i FBI-së ka deklaruar se hetimi i tanishëm nuk ka gjetur asgjë në komunikimet elektronike të Clinton-it që mund ta ndryshojnë përfundimin e kësaj vere të agjencisë që ai kryeson, pra, se kandidatja demokrate nuk ka kryer vepër penale.
Vendimi ka sjellë reagimin e Donald Trump-it, rivalit të demokrates, që e ka akuzuar FBI-në për sjellje jo të duhur, të pahijshme, në lidhje me këtë çështje.
Sipas Trump-it, është e pamundur që në kaq pak kohë të kontrollohen 650.000 postime elektronike.
“Ajo [Clinton] po mbrohet nga një sistem i manipuluar. Eshtë tërësisht një sistem i manipuluar,” ka thënë ai në një tubim në Detroit.
“Clinton është fajtore. Ajo e di, FBI-ja e di, njerëzia e di, e tani është koha që amerikanët të vendosin drejtësi në kutinë e votimit më 8 nëntor.”
Sondazhet e fundit e nxjerrin Clinton-in përsëri katër apo pesë pikë para Trump-it. /tesheshi.com/
