FBI ka thënë të shtunën se arrestoi Larry Hopkins, një anëtar i një grupi të armatosur qytetarësh amerikanë, të cilët ndaluan vullnetarisht emigrantë për të kaluar ilegalisht kufirin amerikano-meksikan në New Mexico.
Hopkins, 69-vjeçari i njohur si Johnny Horton, u arrestua në Sunland Park në New Mexico, në bazë të një padie federale që e akuzon atë me veprën penale të posedimit të armëve dhe municionit, njoftoi FBI.
Guvernatori i New Mexico-s, Michelle Lujan Grisham, tha se civilët nuk kanë autoritetin për të arrestuar apo ndaluar askënd.
Hector Balderas, Prokurori i Përgjithshëm i New Mexico, e përshkroi Hopkinsin si “një kriminel i rrezikshëm”.
“Arrestimi i sotëm FBI tregon qartë se sundimi i ligjit duhet të jetë në duart e oficerëve të trajnuar të policisë e jo vullnetarëve të armatosur”, tha Balderas.
Në planin politik, Hopkins mund të konsiderohet dhe si mik i presidentit Trump, referuar luftës që ky i fundit i ka hapur emigracionit të paligjshëm. /tesheshi.com/
