FBI ka arrestuar një agjent të CIA-s, i cili i ka shitur Kinës rrjetin e informatorëve të shërbimit sekret amerikan në vendim e madh aziatik.
Pas shitjes së rrjetit, spiunët e CIA-s në Kinë ose janë arrestuar ose janë vrarë.
Në kohën që shpërtheu skandali, ai u quajt dhe një nga dështimet më të mëdha të Langley-t, siç quhet edhe ndryshe selia e CIA-s.
Lajmin e bën të ditur e përditshmja The New York Times, e cila thekson se 53-vjeçari Jerry Chun Shing Lee jetonte në Hong Kong , por është bllokuar në aeroportin JFK në Nju Jork sapo është kthyer në SHBA.
Ai është akuzuar se ka shpërndarë dokumente sekrete që kanë të bëjnë mbi mbrojtjen kombëtare. /tesheshi.com/
