Në më të bukurin kampionat të basketbollit, në të mirënjohurin NBA amerikan, ka filluar faza play-off në të dy konferencat.
Katër takimet e para janë luajtur të shtunën, me intensitetin që do të jetë i njëjtë në ditët në vazhdim, gjer në fund të prillit.
Rezultati më i ngushtë në të katër takimet e ditës së parë është regjistruar në takimin e Konferencës së Lindjes, ku Cleveland Cavaliers ka fituar 109-108 ndaj Indiana Pacers.
LeBron James ka qenë shënuesi më i mirë, me 32 pikë, po ashtu siç ka pasur dhe numrin më të madh të asisteve, 13 të tillë.
Në një tjetër takim, Toronto Raptors humbi 83-97 në shtëpi karshi Milwaukee Bucks-it, duke i bërë një nisje të keqe play-off-it.
San Antonio Spurs fitoi thellë ndaj Memphis Grizzlies, 111-82, ndërkohë që Los Angeles Clippers dështoi ndaj Utah Jazz-it, duke humbur 95-97.
Katër takimet e kësaj të diele janë: Washington Wizards – Atlanta Hawks, Golden State Warriors – Portland Trail Blazers, Boston Celtics – Chicago Bulls dhe Houston Rockets – Oklahoma City Thunder. /tesheshi.com/
