Drejtuesi kryesor i sëmundjeve infektive në SHBA, Dr.Anthony Fauci ka paralajmëruar se vendi po vazhdon të përballet me valën e parë të koronavirusit, duke përmendur se është i shqetësuar për shfaqjen e shpërthimeve të reja.
Ai tha se nuk do të marrë pjesë në tubimin e parë politik pas muajve të Presidentit Donald Trump, të planifikuar për të shtunën në Oklahoma, ku priten turma të mëdha, edhe pse ka një rritje të numrit të rasteve të koronavirusit.
Fauci tha se është një kohë kur gjashtë shtete amerikane raportuan një numër rekord të të infektuarve për shkak të lehtësimit të përshpejtuar të masave kufizuese të karantinës.
Bëhet fjalë për Arizona-n, Florida-n, Oklahoma-n, Oregon-in dhe Teksas-in, e Nevada-n.
Fauci tha më herët se virusi korona mund të shfaqet në disa cikle dhe se një rikthim në normalitet të plotë në jetën e përditshme ndoshta nuk mund të pritet këtë vit.
“Shpresoj që një shkallë e caktuar e normalitetit të vërtetë do të vendoset brenda vitit të ardhshëm, ose kështu, por nuk mendoj se do të jetë këtë dimër apo vjeshtë,” ai tha për The Telegraph.
Ai shtoi se COVID-19 do të jetë ende i pranishëm për një kohë. /tesheshi.com/
