Anthony Fauci, imunologu dhe specialisti kryesor i sëmundjeve infective në SHBA, shprehu pakënaqësinë për faktin se një deklaratë e tij u përdor në videon e fushatës presidenciale të Donald Trump.
“Në pothuajse pesë dekada, për sa kohë që punoj në shërbimin publik, unë kurrë nuk kam mbështetur publikisht asnjë kandidat presidencial,” i tha drejtori i Institutit të Sëmundjeve Infektive për CNN.
Videoja e fushatës prej 30 sekondash pasqyron përvojën personale të Trump me virusin dhe përfshin një fragment të shkurtër nga një intervistë me Faucin, duke sugjeruar që mjeku vlerëson përgjigjen e presidentit ndaj pandemisë.
“Nuk mund ta imagjinoj (…) dikush mund të bëjë diçka të tillë”, tha Fauci.
“Deklaratat e atribuara për mua, pa miratimin tim, nga ekipi i zgjedhjeve të Partisë Republikane, u hoqën nga konteksti, d.m.th nga komenti im nga disa muaj më parë, dhe iu referuan përpjekjeve të bëra nga autoritetet shëndetësore federale në luftën kundër COVID-19”, shpjegoi ai.
Një anëtar i “grupit të punës” të Shtëpisë së Bardhë për të luftuar koronavirusin, Fauci, një ekspert 79-vjeçar i njohur në të gjithë botën, iu desh të riformulonte me hollësi fjalët e presidentit për trajtimet COVID-19.
Një zëdhënës i selisë zgjedhore të Trump mbrojti reklamën dhe tha se fjalët e Faucit ishin “të sakta dhe direkt nga goja e Faucit”. /tesheshi.com/
